#10 giorgi TargamaZe

zogadi informacia

zogadi informacia

დაიბადა 1973 წლის 22 ნოემბერს

გიორგი თარგამაძის მეუღლეა თათია თოფურია, რომელიც განათლებით ხელოვნებათმცოდნეა. მათ ჰყავთ შვილები – თეკლა და მაკინე თარგამაძეები.

ganaTleba

ganaTleba

საშუალო განათლება მე-18 სკოლაში მიიღო, სადაც რვა კლასის ჩათვლით სწავლობდა. ამის შემდეგ კი სწავლა ნიკიფორე ირბახის სახელობის პოლიგრაფიულ სასწავლებელში განაგრძო.
1991-1999 წლებში სწავლობდა თბილისის სახელმწიფო უნივერსიტეტში ჟურნალისტიკის ფაკულტეტზე. ჯერ კიდევ სწავლის დაწყებამდე, 1987-1991 წლებში, საყმაწვილო გადაცემა ‘’თვალსაწიერის’’ წამყვანი იყო, რამაც გავლენა მოახდინა პროფესიულ არჩევანზე.

samuSao gamocdileba

samuSao gamocdileba

თეორიული ცოდნის შეძენის პარალელურად პრაქტიკულ საქმიანობასაც ეწეოდა, 1991-1993 წლებში ტელეკომპანია “იბერვიზია”-ში იყო საინფორმაციო პროგრამა “მონიტორისა” და ანალიტიკური გადაცემა “დაიჯესტ-მონიტორი”-ს წამყვანი.
• 1993-1995 წლებში – აჭარის ტელე-რადიო დეპარტამენტის თავმჯდომარე.
• 1995-1997 წლებში – ტელესტუდია “ბათუმი”-ს დირექტორი,
• 1997-1999 წლებშო – აჭარის ავტონომიური რესპუბლიკის უზენაესი საბჭოს თავმჯდომარის პრეს-მდივანი.
საპასუხისმგებლო თანამდებობებს გიორგი პედაგოგიურ საქმიანობას უთავსებდა 1994 -1999 წლებში აჭარის ა.რ. ხელოვნების სახელმწიფო ინსტიტუტში, ლექტორის პოზიციაზე ჟურნალისტიკის საფუძვლებს კითხულობდა, ხოლო 2002 წლიდან იმავე სალექციო კურსს თბილისის რუსთაველის სახ. თეატრისა და კინოს სახელმწიფო უნივერსიტეტში უძღვებოდა.
ქვეყნაში შექმნილი პოლიტიკური და სოციალური ვითარებიდან გამომდინარე, 26 წლის ასაკში გიორგიმ გადაწყვიტა აქტიურად ჩართულიყო პოლიტიკურ პროცესებში. 1999 წელს იგი პარლამენტის წევრი და ფრაქცია ‘ერთიანი საქართველოს’ ხელმძღვანელი გახდა.
2003 წელს გიორგი თარგამაძე ჟურნალისტურ საქმიანობას დაუბრუნდა. 4 წელი იგი ტელეკომპანია “იმედის” საზოგადოებრივ-პოლიტიკური პროგრამების დირექტორის თანამდებობაზე მუშაობდა. პარალელურად იყო ყველაზე რეიტინგული გადაცემა “დროების” ავტორი და წამყვანი.
2007 წლის ნოემბრის მოვლენებმა გიორგი თარგამაძე და მისი მეგობრები აიძულა დაეტოვებინათ ჟურნალისტიკის სფერო. თანამოაზრეებმა 2008 წლის 8 თებერვალს, დავით აღმაშენებლის ხსენების დღეს, დააარსეს პოლიტიკურ პარტია – “ქრისტიან-დემოკრატიული მოძრაობა”.
გიორგი თარგამაძის ხელმძღვანელობით, “ქრისტიან-დემოკრატიული მოძრაობა” მონაწილეობდა 2008 წლის მაისის საპარლამენტო არჩევნებში. ახალბედა პარტიამ წარმატებას მიაღწია და საკანონმდებლო ორგანოში შეიქმნა პოლიტიკური ფრაქცია “ქრისტიან-დემოკრატები”.
დღეისათვის “ქრისტიან-დემოკრატიულ მოძრაობას” საკუთარი წარმომადგენლები ჰყავს როგორც საქართველოს პარლამენტში, ისე დედაქალაქისა და ქვეყნის ყველა რეგიონის საკრებულოში.
2011 წლის მაისში, გიორგი თარგამაძეს სოციალურ მეცნიერებათა დოქტორის აკადემიური ხარისხი მიენიჭა.დისერტაციის სახელწოდება – “თანამედროვე საინფორმაციო ტელეჟურნალისტიკა და სამოქალაქო საზოგადოება”, რომელიც საპარლამენტო უმცირესობის ლიდერმა ტექნიკურ უნივერსიტეტში დაიცვა.

damatebiTi informacia

damatebiTi informacia

არ არის ინფომაცია

saarCevno programa

saarCevno programa

ქვეყნის გამთლიანება და უსაფრთხოების უზრუნველყოფა;
ტერიტორიული მთლიანობის აღდგენის აუცილებელი პირობაა ქვეყნის დეოკუპაცია. ამ კუთხით მნიშვნელოვანია რუსეთთან მოლაპარაკების განახლება სარკოზი-მედვედევის 7 პუნქტიანი გეგმის შესრულების მოთხოვნით. ამ კუთხით ძალიან მნიშვნელოვანია აქტიური საგარეო პოლიტიკის წარმოება არაღიარების პოლიტიკის შესანარჩუნებლად. რუსეთთან ურთიერთობის აღდგენის კუთხით მნიშვნელოვანია ის საფრთხეები, რომელიც საქართველოს და რუსეთს ერთნაირად ემუქრება რელიგიური ექსტრემიზმისა და ფუნდამენტალიზმის სახით, ამიტომ კავკასიაში ამ მიმართულებით თანამშრომლობის პერსპექტიულია საქართველოს ტერიტორიების დეოკუპაციის პროცესის დაწყების პარალელურად. რუსეთმა სამხრეთ კავკასიაში ჩრიდოატლანტიკური თანამშრომლობის ორგანიზაციის ფაქტორი უნდა განიხილოს არა საფრთხედ, არამედ შემაკავებელ ფაქტორად, ისევე როგორც ეს ავღანეთში ხდება. წინააღმდეგ შემთხვევაში გარდაუვალი იქნება გრძელვადიან პერსპექტივაში დეზინტეგრაციული პროცესები თავად რუსეთის ფედერაციაში, რაც თავისთავადი საფრთხე იქნება საქართველოსთვისაც. ერთიანი
საქართველო – ძლიერი დასავლელი პარტნიორებით და ერთიანი რუსეთის ფედერაცია დაცული რელიგიური და ნაციონალისტური საფრთხეებისგან, არის ორივე ქვეყნის სტრატეგიულ ინტერესში. ეს კონცეფცია შესაძლებელია გახდეს საქართველო-რუსეთის შემდგომი მოლაპარაკებების, ქვეყნის დეოკუპაციის და ტერიტორიული მთლიანობის აღდგენის საფუძველი.
•საქართველოს ინტეგრირება ევროპულ სტრუქტურებში;
პრეზიდენტის უმთავრესი საზრუნავი უნდა იყოს საქართველოს უსაფრთხო, დემოკრატიულ და ეკონომიკურად ძლიერ სახელმწიფოდ ჩამოყალიბება, ქვეყნის ტერიტორიული მთლიანობის აღდგენა და საყოველთაო კეთილდღეობის მიღწევა. საგარეო პოლიტიკის ერთ–ერთი მთავრი საგარეო პრიორიტეტი ქვეყნის ნატოში ინტეგრაციიაა. აქედან გამომდინარე, სამხედრო სტრაგეგიული თვალსაზრისით ნატო არის ერთადერთი ალიანსი, რომლისკენაც საქართველო ისწრაფვის. თუმცა, არანაკლებ მნიშვნელოვანი იქნება ინდივიდუალური პარტნიორობისა და ორმხრივი ურთიერთობების გაღრმავება სტრაგეგიულ პატნიორებთან, სამხედრო, პოლიტიკურ თუ ეკონომიკურ ასპექტებში. საქართველოს სტრატეგიულ პარტნიორებად მიგვაჩნია ამერიკის შეერთებული შტატები და ევროკავშირის ქვეყნები, განსაკუთრებით, გაერთიანებული სამეფო, და ე.წ. აღმოსავლეთის ბლოკის ქვეყნები, როგორებიცაა პოლონეთი, ჩეხეთი და ბალტიის ზღვის აუზის ქვეყნები. მეორეს მხრივ, საქართველო გააქტიურებს ურთიერთობებს ისეთ მსხვილ აზიურ პოლიტიკურ თუ ეკონომიკურ ძალებთან, როგორებიცაა ჩინეთი, ინდოეთი და იაპონია. ეს არის ბაზარი, რომელიც უტოლდება მსოფლიოს ნახევარს და ამავდროულად ძალიან სერიოზულ საინვესტიციო ძალას წარმოადგენს. იმისთვის, რომ ბოლომდე მოხდეს საქართველოს, როგორც ევროპასა და აზიას შორის ენერგო სატრანზიტო დერეფნის რეალიზაცია, ჩვენმა ქვეყანამ განსაკუთრებით მეგობრული ურთიერთობები უნდა განავითაროს შუა აზიის რესპუბლიკებთან და შეინარჩუნოს კეთილმეზობლური ურთიერთობა ირანთან. რუსეთთან ეკონომიკური ურთიერთოების სრულფასოვნად აღდგენა და ურთიერთობის
ნორმალიზება კვლავაც იქნება პრეზიდენტის საგარეო პოლიტიკის ერთ–ერთი პრიორიტეტი. თუმცა ეს არ უნდა მოხდეს საქართველოს სტრატეგიული ინტერესების, ტერიტორიული მთლიანობის შელახვის ან დასავლურ ორიენტაციაზე უარის თქმის ხარჯზე. ამავე დროს
ფრთხილი მიდგომაა საჭირო, იმისთვის, რომ არ განვითარდეს საქართველოს რუსულ ბაზარზე და ენერგეტიკულ სექტორზე ზედმეტი დამოკიდებულება, რაც მოსკოვს ჩვენს ქვეყნაზე ზეგავლენის დამატებით ბერკეტებს მისცემს. საჭიროა გამოიკვეთოს ორი ქვეყნის საერთო ინტერესები და გაგრძელდეს და გააქტიურდეს დიალოგი საერთაშორისო ფორმატებში, საქართველოს ტერიტორიული მთლიანობისა და სუვერენიტეტის პრინციპების სრული დაცვით.
•ეკონომიკური განვითარება და სოციალური კეთილდღეობის მიღწევა;
საბიუჯეტო ხარჯების რაციონალიზაცია;
საგადასახადო პოლიტიკის ფორმირება სოციალური სოლიდარობისა და სამართლიანობის პრინციპის დაცვით – პროგრესული გადასახადებისა და დაუბეგრავი მინიმუმის ამოქმედება;
კონკურენციის ხელშემწყობი სახელმწიფო პოლიტიკის ფორმირება;
მცირე ბიზნესის ხელშეწყობა კონკრეტული საგადასახადო ინიციატივით;
ექსპორტის სახელმწიფო წახალისება;
თავისუფალი ბიზნესის უკეთესი დაცვის მექანიზმების ფორმირება/გაძლიერება;
მიზობრივი იაფი სესხების უზრუნველყოფა მცირე ბიზნესისთვის;
სამართლიანი, დაბალი ტარიფების ფორმირება.
•განათლების მაღალი ხარისხის და ხელმისაწვდომობის უზრუნველყოფა;
უნდა გაიზარდოს სკოლების ვაუჩერული დაფინანსება და მოხდეს პედაგოგების 900 ლარიანი საბაზისო ხელფასით, პორტატული კომპიუტერებით და სასკოლო სახელმძღვანელოებით უზრუნველყოფა;
ყველა სოფელში უნდა იყოს სკოლა;
უნდა გაძლიერდეს მასწავლებელთა კვალიფიკაციის ამაღლების სახელმწიფო მხარდაჭერა და მოხდეს მასწავლებელთა საუნივერსიტეტო მომზადების სისტემის სრულყოფა (სამაგისტრო პროგრამების სახელმწიფო მხარდაჭერა, არაქართულენოვანი მოსახლეობისათვის კადრების მომზადების სპეციალური პროგრამის ამოქმედება);
უნდა დაიწყოს მართლმადიდებლური კულტურის ისტორიის საგნის სწავლება სკოლებში;
საატესტაციო გამოცდების ჩაბარებით და მინიმალური კომპეტენციის დაკმაყოფილებით უნდა დაფინანსდეს სტუდენტთა სწავლის საფასურის მინიმუმ 70%, ხოლო მრავალშვილიანი, სოციალურად დაუცველი, მაღალმთიანი რეგიონების სტუდენტები 100 %-ით დაფინანსდებიან;
შეიქმნება სტუდენტური სახელმძღვანელოების ელექტრონული ბიბლიოთეკა, რომლისთვისაც ყოველწლიურად ითარგმნება ათასზე მეტი სასწავლო ლიტერატურა, განთავსდება სპეციალურ საიტზე და სტუდენტებისთვის ხელმისაწვდომი იქნება უფასოდ;
სწავლებაშეჩერებულ სტუდენტებს უნდა მიეცეთ გამოცდების ჩაბარების უფლება და გარკვეული კრიტერიუმების დაკმაყოფილების შემთხვევაში, ექნებათ სახელმწიფოს ხარჯზე სწავლის გაგრძელების შესაძლებლობა;
სკოლამდელი აღზრდის სისტემა უნდა დაუბრუნდეს განათლების სამინისტროს და უნდა დაფინანსდეს სახელმწიფო ბიუჯეტის ხარჯზე;
სკოლამდელი დაწესებულების აღმზრდელებს უნდა მიენიჭოთ პედაგოგის სტატუსი;
უნდა გაიზარდოს სახელობო სასწავლებლების დაფინანსება და აღდგეს უკანასკნელ წლებში დახურული სასწავლებლები.
•მართლმადიდებელი ეკლესიისათვის კონსტიტუციურად მინიჭებული განსაკუთრებული ადგილის გარანტირება და რწმენისა და აღმსარებლობის თავისუფლების დაცვა;
•საქართველოს მუდმივი ღირებულებების და კულტურული ტრადიციების შენარჩუნების და მომავალი თაობებისათვის უწყვეტად და უცვლელად გადაცემის ხელშეწყობა.

gamoxmaureba

გამოხმაურება

wordpress