#2 giorgi liluaSvili

zogadi informacia

zogadi informacia

დაიბადა 1973 წლის 16 ნოემბერს, ქ. ზესტაფონში, მოსამსახურის ოჯახში, ეროვნებით ქართველი, უცოლშვილო.

ganaTleba

ganaTleba

1979 – 1990 წ.წ. ქ. თბილისის 61-ე საშუალო სკოლა.

1990 წლიდან სწავლობდა ქ. თბილისის სამრეწველო-ეკონომიკურ კოლეჯში დაუსწრებელ
განყოფილებაზე, სპეციალობით – “ეკონომიკა და დაგეგმვა სახალხო მეურნეობის დარგებში”,
რომელიც დაამთავრა 1993წ.

1992 წელს ჩააბარა საქართველოს ღია ჰუმანიტარულ ინსტიტუტში, სამართალმცოდნეობის
ფაკულტეტზე, რომელიც დაამთავრა 1996 წელს და მიენიჭა იურისტის კვალიფიკაცია.

1993 წელს ჩააბარა ქ. თბილისის სახელმწიფო სამედიცინო უნივერსიტეტში, სამხედრო სამედიცინო ფაკულტეტზე, რომელიც დავამთავრე 2001 წელს და მიენიჭა ზოგადი პროფილის
სამხედრო ექიმის კვალიფიკაცია.

1992 წლის 7 ნოემბრიდან 1993 წლის 14 მაისამდე, მონაწილეობდა საქართველოს მთლიანობისათვის წარმოებულ ბრძოლებში 21-ე ბრიგადის მოხალისეთა ბატალიონში, მოხალისედ (სან ინსტრუქტორად).

1993 – 1995 წ.წ. სამხედრო სამსახური

samuSao gamocdileba

samuSao gamocdileba

1995 წელს მუშაობა დაიწყო რესპუბლიკურ კლინიკურ ინფექციურ საავადმყოფოს მე-8 განყოფილებაში სანიტრად, სადაც მუშაობდა 1996 წლამდე.

1998 წ. სასწრაფო და გადაუდებელი სამედიცინო სამსახურ “ქველის” გამსვლელი ბრიგადის წევრი.

1999 წელს გადაიყვანეს გამსვლელი ბრიგადის მორიგე ექიმად. საიდანაც გათავისუფლდა საკუთარი განცხადების საფუძველზე 2004 წლის პირველი მაისს.

2000 წლის პირველი ივლისიდან – 2000 წლის თვრამეტი სექტემბრამდე მუშაობდა ს.ს. “ფეროს” მედიკო-სანიტარული ნაწილის ქირურგიულ, ტრავმატოლოგიურ და კარდიოლოგიურ განყოფილებებში ექიმის თანაშემწედ.

2000 წლის ცხრამეტი ივლისიდან – 2000 წლის თვრამეტი სექტემბრამდე მუშაობდა ზესტაფონის რაიონის ცენტრალური საავადმყოფოს ქირურგიულ განყოფილებაში ექიმის თანაშემწედ.

2000 წლის პირველი ოქტომბრიდან 2001 წლის პირველ ივნისამდე მუშაობდა შ.პ.ს. “მცხეთის სამხარეო მრავალპროფილიანი საავადმყოფოს” ქირურგიულ განყოფილებაში ექიმის თანაშემწედ.

2001 წლის ორი აგვისტოს საქართველოს თავდაცვის მინისტრის ბრძანებით მიენიჭა სამხედრო წოდება სამედიცინო სამსახურის ლეიტენანტი.

2002 წლის პირველი აგვისტოდან მუშაობს საქართველოს ეროვნული აკადემიის იურიდიული მომსახურების კომპლექსური ცენტრის დამოუკიდებელი სამხედრო სასამართლო-სამედიცინო
ექსპერტად.

2002 წლის ოცი აგვისტოდან მონაწილეობს საქართველოს თავდაცვის სამინისტროს საშტაბო სამეთაურო სწავლება “კახეთი 2002”-ში.

2003 წელს საქართველოს თავდაცვის მინისტრის ბრძანებით №3312 მიენიჭა მორიგი სამხედრო წოდება სამედიცინო სამსახურის უფროსი ლეიტენანტი.

2004 წლის პირველი სექტემბრიდან მუშაობს, საქართველოს ეროვნულ აკადემიასთან არსებულ უნივერსიტეტში, აკადემიის საზოგადოებრივ ორგანიზაციებთან ურთიერთობის განყოფილების
უფროსად.

2006 წლიდან დაინიშნა საქართველოს ეროვნული აკადემიის “მომავლის აკადემიის” კოორდინატორად, ამავ დროულად ახალგაზრდა მეცნიერთა სამეცნიერო საქმიანობის ხელშემწყობ სფეროს საკითხებში საქართველოს ეროვნული აკადემიის ვიცე-პრეზიდენტად.

2006 წლიდან მუშაობს №138 საჯარო სკოლაში პედაგოგად.

2006 წელს არჩეული იქნა № 138 საჯარო სკოლაში სამეურვეო საბჭის წევრად.

2006 წლიდან ქ. თბილისის სამედიცინო სასწავლებელ “არგო”-ში ლექტორად.

2007 წლიდან შეთავსებით №138 საჯარო სკოლის იურისტი.

2007 წლიდან სამედიცინო სასწავლებელ “არგოს” იურისტი.

2008 წლის 12 ივნისიდან 2008 წლის 1 ოქტომბრამდე საქართველოს პედაგოგთა და და მეცნიერთა თავისუფალი პროფკავშირის იურისტი.

2009 წელს განმეორებით არჩეული იქნა № 138 საჯარო სკოლაში სამეურვეო საბჭოს წევრად.

damatebiTi informacia

damatebiTi informacia

არ არის

saarCevno programa

saarCevno programa

27 ოქტომბერს გაიმართება საპრეზიდენტო არჩევნები. გთხოვთ საქართველოს მოსახლეობას მობრძანდეთ არჩევნებზე და მხარი დამიჭიროთ. რამეთუ თქვენ ხართ ის ძალა რომელთან ერთადაც მე და ჩემი გუნდი შევძლებთ განვახორციელოთ ყველა ის პროგრამა რომელის მეშვეობითაც ქვეყანას ფეხზე დავაყენებთ.

უმთავრესი კი საქართველოს გულის ტკივილი, დაკარგული ტერიტორიების დაბრუნება გახლავთ. მე და ჩემი გუნდი ყველაფერს ვიღონებთ იმისათვის,რომ, ჩემი პრეზიდენტობის ვადის გასვლამდე საქართველოს იურისდიქციაში აღსდგეს აფხაზეთი და სამაჩაბლო!!! დევნილები კი თავაწეულნი ღირსეულად დაუბრუნდნენ საკუთარ სახლებს!!!

1 ძლიერი საშუალო ფენის ჩამოყალიბება და ამისათვის საკანონმდებლო დონეზე ხელის შეწყობა. შიდა ვალების გასტუმრების დაწყება პირველ რიგში მეანაბრეთა გასტუმრება (გასტუმრების პროცედურა უახლოეს 2 თვეში უნდა დაიწყოს)

2 განათლების სისტემის დახვეწა, განვითარება, ყველასათვის ხელმისაწვდომობა. (სახელმწიფო სკოლამდელი, სასკოლო და უმაღლესი საგანმანათლებლო დაწესებულებების სრულად სახელმწიფო დოტაციაზე გადასვლა) აღმზრდელთა და მათი თანაშემწეებისათვის, პროფესორ მასწავლებელთათვის ხელფასების ზრდა, დამსახურებისა და სტაჟის მიხედვით.

3 ჯანდაცვის სისტემების დახვეწა. სამკურნალო პროფილაქტიკური ცენტრების თანამედროვე ტექნიკით აღჭურვა და მოსახლეობისათვის ამ სერვისის ხელმისაწვდომობა. სამკურნალო პრეპარატების ადგილობრივი წარმოების განვითარება და ხელშეწყობა. (რაც სამუშაო ადგილებისა და წარმოებული პროდუქციის დაბალ ფასებს განაპირობებს) სამედიცინო პერსონალისათვის ხელფასების ზრდა მათი დამსახურებისა და სტაჟის მიხედვით.

4 განხორციელდეს საპენსიო ასაკის დაწევა მამაკაცების 60 წლამდე ხოლო ქალბატონების 55 წლამდე. მუშაობის შემთხვევაში შეუნარჩუნდეთ კუთვნილი პენსია და ხელფასი. განისაზღვროს და რეალურად საბაზრო ფასების გათვალისწინებით დადგინდეს საარსებო მინიმუმი.

5 სოფლის მეურნების განვითარება, უნაყოფო მიწების გაკეთილშობილება. სოფლის მოსახლეობისათვის მოყვანილი პროდუქციის გასაღება გაყიდვაში ხელის შეწყობა. შემნახავ_გადამამუშავებელი საწარმოთათვის ხელსაყრელი პირობების შექმნა.

6 ქართული არმიის თანამედროვე სტანდარტებამდე მიყვანა და ნატოში გაწევრიანება.

7 ომისა და შრომის ვეტერანთათვის ღირსეული პენსიებისა და შეღავათების დაწესება.(გაუქმდეს პენსიონერთა დაყოფა ზვიადის, შევარდნაძის და მიშასდროინდელ ვეტერანებად, მათი პენსიები განისაზღვროს სტაჟის და დამსახურების მიხედვით) დაწესდეს ვეტერანთათვის ინდივიდუალური და კოლექტიური ბიზნესის წარმოების შემთხვევაში, შესატყვისი შეღავათები.
თანამედროვე სტანდარტებამდე იქნეს მოყვანილი ვეტერანთა ჰოსპიტალი. გაიხსნას მათთვის განკუთვნილი სამკურნალო სარეაბილიტაციო ცენტრები.

8 განსაკუთრებული ყურადღება მიექცეს ცალკეული ნოზოლოგიის მქონე ადამიანებისა და უპატრონო ბავშვების პრობლემებს. გატარდეს ქმედითი ღონისძიებები მათი განათლება, დასაქმებისა და საზოგადოებაში აქტიური ინტეგრაციისათვის.

9 საპატრულო პოლიციის და სამართალ დამცავი ორგანოების დახვეწა. თანამშრომლების მომზადება, გადამზადების სრულყოფა.

10 ადმინისტრაციულ სამართალ დარღვევათა საჯარიმო ტარიფების გადახედვა და შემცირება სახელმწიფოში არსებული მინიმალური ხელფასის გათვალისწინებით.

11 მოხდეს პენინტენციალური სისტემის რეფორმირება. საპყრობილის ტიპის სასჯელაღსრულების სისტემა შეიცვალოს შერეულით. საპყრობილე, შრომა გამოსწორების ზონა, ჩასახლება-გადასახლება. გაიზარდოს მსუბუქი და შედარებით მსუბუქი დანაშაულებისათვის სასჯელის მომხდელთათვის ახლობლების მონახულების დრო და მისი ხანგრძლივობა. შეიქმნას ოჯახური წყვილებისათვის შეხვედრის ოთახები.

12 განხილულ იქნეს ნარკომანია როგორც დაავადება. გაიზარდოს ნარკომანიით და ალკოჰოლიზმით დავადებულთა მკურნალობის სახელმწიფო დაფიანსება, მოხდეს მათი საზოგადოებაში ინტეგრირება.

13 დაინერგოს თანამედროვე ტექნოლოგიები რაც საშუალებას მოგვცემს ენერგო მატარებლების (დენის, ბენზინის, დიზელისა და გაზის) მოხმარების შემცირებას და შესაბამისად ნაკლები ტანხის გადახდას

14 დაინერგოს ალტერნატიული პირადობის მოწმობები (როგორც ჩიპიანი ისე ჩიპის გარეშე) საქართველოს მოსახლეობას მიეცეს იმის საშუალება ტავად გადაწყვიტოს რომელ პირადობის მოწმობას მიანიჭებს უპირატესობას.

დაიწყოს დასაქმების პროგრამა.ხელი შეეწყოს წარმოებებისა და მცირე ბიზნესის განვითარებას. დაწესდეს საგადასახადო შეღავათები, გაიცეს დაბალპროცენტიანი (3-5 %) სესხები ბანკებიდან, მცირე მეწარმეობის განვითარებისათვის. ქვეყნის ინდუსტრიულ რაიონებში თავმოყრილ ქარხნების და საამქროების რეაბილიტაცია გათანამედროვეობა და ამ რაიონებში მაცხოვრებელი პროფესიონალი სპეციალისტების დასაქმება.

აგრეთვე გაიხსნას გადამზადების და დახელოვნების კურსები რათა მოხდეს თანამედროვე ტექნოლოგიების ათვისება.

ა) დაფინასდეს და დაიწყოს ამორტიზირებული და შესაკეთებელი საცხოვრებელი ფართების შეკეთება გამაგრებითი სამუშაოები. დაუყოვნებლივ დაიწყოს და საერთაშორისო სტანდარტების დაცვით შეკეთდეს და კეთილმოეწყოს საჯარო სკოლები.

ბ) გაგრძელდეს საქართველოს მთელ ტერიტორიაზე სამეურნეო დამხმარე მიწების საქართველოს მოსახლეობისათვის დამტკიცების და საკუთრებაში გადაცემის გამარტივებული პროცედურები.

გ) თანამედროვე ტექნოლოგიებით და სტანდარტით გზებზე დაიგოს საასფალტე საფარი, ამავ დროულად გათვალისწინებული იყოს სანიაღვრე არხები (რათა არ მოხდეს წვიმის წყლის საცხოვრებელ სახლებში შევარდნა და გზების დატბორვა)

დ) ხელი შეეწყოს ქვეყნის მოსახლეობის სპორტულ და კულტურულ განვითარებას. სპორტული და მხატვრულ ინტელექტუალური შეჯიბრებებისა და კონკურსების მოწყობით.
ბიბლიოთეკის გათანამედრობით როგორც ტექნიკური ბაზის განახლებით ასევე სამეცნიერო და მხატვრული ლიტერატურის შევსებით.

ე) აუცილებლად მისახედია საქართველოსში მაცხოვრებელ დევნილთა საბინაო და სოციალური პრობლემები. დევნილთა დასაქმების ხელშეწყობა როგორც სახელმწიფო სტრუქტურებში, ასევე კერძო ბიზნესში. კერძო ბიზნესში მათთვის საგრძნობი შეღავათების დაწესება.

ვ) მოხდეს საქართველოს ტყე პარკებისა და სკვერების რეაბილიტაცია, კეთილმოწყობა.

საქართველოს მოსახლეობას მოგიწოდებთ, მხარი დამიჭიროთ ამ არჩევნებზე რათა ქართულმა ეროვნულმა სულმა კვლავ იზეიმოს გამარჯვება !!!!!

 

gamoxmaureba

გამოხმაურება

wordpress